90 urte 6 kontakizunetan: euskal eskola eta autogobernua

Dokumental historiko, sozial eta emozional baten ekoizpena eta estreinaldia egingo da. Sei haur eta gaztek euskal eskolaren bilakaeraren sei une garrantzitsu aztertuko dituzte, lehen Eusko Jaurlaritza eratu zenetik gaur arte. 1936an zabaldutako itxaropenetik abiatuko da kontakizuna, Gerra Zibilaren eta Diktaduraren eragina, euskararen eta lehen Ikastola klandestinoen zaintza, berreskuratze demokratikoa, Ikastolen legeztatzea, euskal hezkuntza sistemaren eraikuntza eta etorkizuneko eskolaren erronkak jorratuko ditu. Sei kapitulu laburrez osatutako egitura arina du dokumentalak, eta memoria, hezkuntza eta autogobernua lotuko ditu, belaunaldien arteko ikuspegitik, eta erakutsiko du eskola funtsezko espazioa izan dela eta izaten jarraitzen duela hizkuntza, kultura, bizikidetza demokratikoa eta Euskadiren etorkizuna transmititzeko.